Einar G. Harðarson
Löggiltur fasteignasali

Ég heiti Einar G. Harðarson.

Nám: Ég útskrifaðist til löggilds fasteigna-, fyrirtækja- og skipasala frá Háskóla Íslands. Áður var ég við nám í undirbúnings- og raungreinadeild Tækniháskóla Íslands og í þjóðhagfræði við Gautaborgarháskóla.

Atvinna: Með skóla vann ég margvísleg almenn störf, var m.a. á sjó og vann við virkjanir á hálendinu. Síðan hef ég unnið mest sem framkvæmdarstjóri við verslunarstörf í tíu ár og sjávarútvegi í um tuttugu ár, þar á meðal verið kaupfélagsstjóri og stýrt fiskvinnslufyrirtæki með um 500 manns í vinnu í Úganda í 5 ár.

Auk þess hef ég m.a. unnið hjá einu stærsta MLM-fyrirtæki veraldar LR Health and Beauty Systems, en þar var ég „Brons OL“ og vann m.a. keppni um titilinn „besti leiðtogi LR“ árið 2008 þar sem ég keppti við um 300.000 sölu- og markaðsleiðtoga. Fyrir það voru veitt verðlaun að upphæð 100,000 Evrur. Síðustu ár hef ég starfað við fasteignasölu sem sölumaðu, framkvæmdarstjóri og löggiltur fasteignasali. Ég starfa núna hjá Kaupstad fasteigna ehf eða kaupstad.net

Félagsstörf: Ég hef setið í fjölmögum nefndum og stjórnum í gegnum árin og veitt þeim forystu, þar á meðal í stjórn Lánasjóðs íslenskra námsmanna.

Íþróttir: Á unglingsárum stundaði ég frjálsar íþróttir og borðtennis en síðari ár hefur golf átt hug minn allan og er ég núna með 11,3 í forgjöf.

Stjórnmál: Ég met frelsi einstaklingsins og um leið að hlúð sé vel að þeim sem minna mega sín í þjóðfélaginu.

Markmið: Í fasteignaviðskiptum set ég heiðarleika, fagmennsku, traust og ánægða viðskiptavini í efsta sæti.